Eremu mortua, lur idor eta gorria;
euri lehorra, haize izoztua, eguzki iluna…
Hazi bat, zortzi hazi,
ura eta
gogoa, kemena, ausardia, maitasuna…
maitasun handia. Orduan,
zuhaixka, zuhaitza, basoa,
baso ederra, umela, argitsua, emankorra…

XX. eta XXI. mendeak
50 urte baino gehiago
euskeraren itzalpean
kateak hausten
erronkak gainditzen
ametsak egia bihurtzen
hezkuntzan bide berriak jorratzen
erein eta gero, uzta biltzen
emaitza bikainak lortzen.
Beti aitzina, etengabean
elkarrekin elkarlanean
eskuz esku
atzo, gaur eta bihar
lana taxuz eginez
erantzukizunez eta alaitasunez
XXII. mendeko eskolako bidea urratzen.
TAFALLAKO IKASTOLA