Garcés de los Fayos Tafalla Ikastola
Garcés de los Fayos ikastola familien kooperatiba bat da, euskara eta bere kultura ardatz nagusi dituen hezkuntza kooperatiba.
Gure ikasleak kultura euskaldunean murgilduta egotea eta euskararekiko lotura afektibo sendoa izatea sustatzen dugu, berea balitz bezala barneratuz.
Garcés de los Fayos ikastola haur bakoitzari egokitutako irakaskuntza indibidualizatuan oinarritzen da, ikasle guztien hezkuntza integrala lortzeko, pertsonaren alderdi guztiak kontuan hartuta: afektibitatea, balio etikoak eta sozialak lortzea, prestakuntza intelektuala, garapen fisikoa eta emozionala.
Ikastola ikastetxe irekia, plurala, laikoa eta diskriminaziorik gabekoa da. Ematen den hezkuntza eta ikastetxeko kultura-aniztasunak gure gizartean gertatzen diren aldaketa azkarrak kontuan hartzen ditu, aldaketa horiek dakartzaten beharrei erantzuna ematen die aldaketa horiek proiektu komun batean integratuz.
Gure helbururik garrantzitsuena ikasle euskalduna, eleanitza, arduratsua eta errespetuzkoa, kritikoa, autonomoa, gizartearekin konprometitua eta konpetentea heztea eta lortzea da, ikastetxetik ateratzean bere etorkizunerako prestatzen jarrai dezan.
Etengabeko prestakuntza duen talde egonkor baten bidez, eta baita elkarrizketa eta koordinazioaren bidez ere, gure ikastolak funtzionamendu eraginkorra eta kudeaketa egokia sartu nahi ditu, hezkuntza-komunitate osoaren baterako lana sustatuz.
